Bookhoalder teagn kolnboer     naar vertaling

Alderbarstns wat bi'j laat man,
ik har oe eerder a verwoch.
Ik heb de poort veur oe a lös doan
vanmorn um n uur of acht.

Kiek, doargeenter he'j t kolnhok,
doar kön iej oewn haandel kwiet.
Mö'j eerst t loek doarboavn lös doon
en da'j t der miej nich nöaste smiet.

            Oe krieg ik nog wa!

Geet dat wa allenig, joa hè?
mö'k oe helpn, ik dach van nich.
Ik heb mien beste pak an, wet iej
en ik heb mangs last van gich.

O’j ok koffie hebn woln?
t Wief hef n heerd oet loatn goan.
Iej könt ok wa jeneaver kriegn
mer dan kö'j voort nich meer op de bene stoan.

            Oe krieg ik nog wa!

Keerl, wat loop iej toch te bloazn,
iej liekt wa Hennik Slok in t gat
Den wiej kortns vort hebt brach.
Ze zeit dat hee t an t hart har had.

Perbeert dat noe s met twee zäkke,
dan loop iej met de rugge recht.
Eén op elkn schoolder pakn,
da's efficiëant, he'j t zo terecht.

            Oe krieg ik nog wa!

Aj hölp nodig bint mö'j t zegn,
ik dreai de haand der nich veur um,
ik kan t joa zoo oons Graads oetlegn,
hee döt geern wat veur nen vrömdn.

Ik kan oe één deeng wa verteln:
a’j as ik n vak hadn leerd,
hille dage ceantn teln,
da's pas wearkn as n peerd.

            Oe krieg ik nog wa!

Ik goa voort mooi noar t hoes hen,
t is miej boetn völs te koald.
Ik kan t ok nich good hebn
dat iej miej van t weark ofhoaldt.

Aj t temet een moal terechte hebt,
dan kön iej oe den bezzem kriegn
en dan mö'j t hier meer s ankeern,
zonn pröttel kaan k nich liedn.

            Oe krieg ik nog wa!

Oonze Dinie hef de knippe,
is vort um ne nieje bloes.
Iej möt de rekkening mer steurn,
ik heb noe gin geald in t hoes.

Noe at wiej t toch oaver t geald hebt:
tieen perceant kan der wa of.
Ik bin nen vastn klaantn
en ik koop nooit wat op n pof

            Oe krieg ik nog wa!

Iej zoln dat peerd van oe s roskamn,
man, wat zöt dat beest der oet.
Ik zol miej de oogn oet de kop schaamn
en t lik miej nog wa oondrvoed.

A’j noe tookn moal s wierkomt
trek dan nich zon laank gezicht,
t is ‘beleefdheid’ woar t op ankeump.
Nee, goat meer, ik doo zölvns de poort wa dicht.

            Oe krieg ik nog wa!
            Oe, woch meer of, oe krieg ik nog wa!

n Haalf joar later kreeg den kolnboer 
van dat Greadsken ut bericht
hee zol veerteen mud koln störtn,
en kats vot was zien laank gezicht.

Zoonder op of um te kiekn
met nen grim van oor töt oor
störten hee, ten gunste van den bookhoaldr,
veerteen mud biej t postkantoor

            Oe, k heb miej doodlachn, man!

Tekst: Fred van de Ven, Muziek: Triooo
Fred: zang ; Harm: mandoline, zang ; René: elektrische gitaar, basgitaar, zang

Bij Bookhoalder teagn kolnboer
Hier speekt een witte-boorden-arbeider tegen een zwarte-handen-arbeider met als refrein de gedachten van de kolenboer en aan het eind het getuigenverslag van een derde.

Boekhouder tegen kolenboer, (vertaling)     terug naar Twents

Ontzettend, wat ben je laat man!
Ik had je al eerder verwacht.
Ik heb de poort al voor je opengedaan,
vanmorgen om een uur of acht.

Kijk, daarginds is het kolenhok,
daar kun jij je handel kwijt.
Moet je eerst het luik daarboven open doen
en dat je het er niet naast gooit.

            Jou krijg ik nog wel!

Gaat dat wel alleen, ja hè?
Moet ik je helpen, ik dacht het niet.
Ik heb mijn beste pak aan, weet je
en ik heb soms last van jicht.

Als je soms koffie had willen hebben;
mijn vrouw heeft de kachel uit laten gaan.
Je kunt ook wel jenever krijgen,
maar dan kun je straks niet meer op je benen staan.

            Jou krijg ik nog wel!

Man, wat loop je toch te hijgen,
je lijkt wel op Henkie Broekeschijter
die we onlangs begraven hebben.
Men zegt dat hij het aan zijn hart heeft gehad.

Probeer dat nu eens met twee zakken,
dan loop je met een rechte rug.
Zet er op elke schouder een,
dat is efficiënt, is het gauw voor elkaar.

            Jou krijg ik nog wel!

Als je hulp nodig hebt moet je het zeggen,
ik draai er mijn er niet voor om,
ik kan het zo onze Gerard uitleggen,
hij doet graag wat voor een vreemde.

Ik kan je een ding wel vertellen,
als je zoals ik een vak had geleerd,
hele dagen geld tellen
dat is pas werken als een paard.

            Jou krijg ik nog wel!

Ik ga zo meteen lekker naar binnen,
het is mij buiten veel te koud.
Ik vind het ook niet prettig
dat je mij van het werk houdt

Als je het straks eindelijk voor mekaar hebt,
dan kun je die bezem pakken
en dan moet je het hier maar eens aanvegen,
zo'n rommel kan ik niet uitstaan.

            Jou krijg ik nog wel!

Onze Dinie heeft de portemonnee bij zich,
is er op uit om een nieuwe blouse te kopen.
Je moet de rekening maar sturen,
Ik heb nu geen geld in huis.

Nu we het toch over geld hebben:
tien procent kan er wel van af.
Ik ben een vaste klant
en ik koop nooit iets op de pof.

            Jou krijg ik nog wel!

Je mag dat paard van je wel eens roskammen,
man, wat ziet dat beest eruit.
Ik zou me de ogen uit mijn hoofd schamen
en het lijkt mij nogal ondervoed.

Als je volgende keer nou weer komt,
trek dan niet zo'n lang gezicht,
het is beleefdheid waar het neerkomt.
Nee, ga maar, ik doe zelf de poort wel dicht.

            Jou krijg ik nog wel!
            Oh ja, wacht maar af, jou krijg ik nog wel!

Een half jaar later kreeg die kolenboer
van die Gerard het bericht
dat hij veertien mud kolen moet komen storten
en zijn gezicht lichtte helemaal op.

Zonder op of om te kijken,
met een grijns van oor tot oor,
stortte hij, ten gunste van die boekhouder,
veertien mud bij het postkantoor.

            Oh, ik heb me doodgelachen, man!