Mien anstekker     naar vertaling

Wat leu mait geern wearkn
pokkelt n heeln dag verdan
zee slooft zich oet veur gek en onwies
iej vroagt oe of; woar hebt ze t van.

Wat leu hoaldt van de ceantn
hebt wa aait de knippe leug.
En wat leu bint zoo zunig
doar steet t glas n hiln oavnd dreug.

Wat leu hebt un eign hoes
met alns der op en alns der an
dan proat ze van ne tweede hypotheek
iej vroagt oe of; woar doot ze t van.

Refr.: Mer ik: ik hoal van mienn anstekker
den nog op benzine löp
woar zon fusken katoen oet stek
en den nog zoo geneuglik rök
Lig dat deenk hier op de toafel
kö'j de leu hoast deankn zeen,
"Doar he'j n anstekker van Fred wa,
zol Triooo hier ok wean?"

Wat leu hoaldt van voetbaln
stoat zölvn nich in t veald
zee stoat an de kaant te kiekn
en ze vleukt en bleert en skealdt.

Wat leu doot geern jog-gen
loopt zich de been oonder t gat vandan
at ze in t hoes bint, bint ze meu.
"Iej blievt der gezoond biej!"zeit ze dan.

Refr.: Mer ik: ik hoal van mienn anstekker
den nog op benzine löp
woar zon fusken katoen oet stek
en den nog zoo geneuglik rök
Lig dat deenk hier op de toafe
l kö'j de leu hoast deankn zeen,
"Doar he'j n anstekker van Fred wa,
zol Triooo hier ok wean?"

Leu, iej könt van zoovöl hoaldn
k zeg oe, zeuk ut nich te wied
t kan oe morn zoo wa vortloopn
en dan bin ik allenig mienn anstekker kwiet.

Tekst: Gerrit Bellers; Muziek: Triooo
Fred: zang;
Harm: el.gitaar;
Henk: slagwek;
René; el.gitaar